कोंढवा ( प्रतिनिधी – संदिप आढाव ) : लग्नाचे आमिष दाखवून शारीरिक संबंध प्रस्थापित करुन लग्न करण्यास टाळाटाळ करणाऱ्या तरुणाविरुध्द कोंढवा पोलिस ठाण्यात गुन्हा दाखल करण्यात आला आहे.
२७ वर्षांच्या पिडीतीने दिलेल्या फिर्यादीवरून सुरज हनुमंत वायसे (रा.जळगाव क.प.ता.बारामती जि.पुणे) या तरुणा विरुद्ध गुन्हा दाखल करण्यात आला आहे.
पिडितीच्या एका मित्राद्वारे आरोपी सुरज वायसे यांच्या सोबत मैत्री झाली व मैत्रीचे रुपांतर प्रेमात झालेवर लग्नाचे आमिष दाखवून आरोपीने पिडीता सोबत अनेकदा शारीरिक संबंध प्रस्थापित केले.
पिडीतीने लग्नाचा तगादा लावल्याने आरोपीने लग्नास नकार देऊन तु काय करायचे ते करा असे म्हटले.तरी ही पिडितीच्या मामा व मामीने समझोता करण्याचा प्रयत्न केला होता.पण आरोपी आलाच नाही.
अखेर पिडीताने कोंढवा पोलिस ठाण्यात धाव घेऊन तक्रार दाखल केली आहे.या घटनेचा तपास कोंढवा पोलिस करीत आहेत.