NEWS PRAHAR ( पुणे ) : दौंड शहरालगत असणाऱ्या बोरावकेनगर भागामध्ये कचऱ्याच्या ढिगाऱ्यामध्ये सहा ते सात अभ्रक आढळून आले. प्लास्टिकच्या बरण्यांमध्ये भरून अभ्रक कचऱ्याच्या ढिगाऱ्यामध्ये फेकण्यात आले. या घटनेने परिसरात खळबळ उडाली. कचऱ्यामध्ये सहा ते सात बरण्यांमध्ये भरून हे अभ्रक उघड्यावर फेकून दिल्याचे समोर आले. या धक्कादायक प्रकारामुळे एकच खळबळ उडाली. नेमके हे अभ्रक कोणत्या रुग्णालयाने फेकून दिले आहेत. दरम्यान पोलिस तात्काळ घटनास्थळी दाखल झाले असून पोलिसांकडून पंचनामा करण्यात आला आहे.
शहरालगत असणाऱ्या बोरावके नगरमध्ये प्राईम टाऊनच्या पाठीमागे कचऱ्याच्या ढिगार्‍यात ही अर्भक आणि मानवी शरीराचे काही अवशेष आढळून आले. यामुळे परिसरामध्ये एकच खळबळ उडाली आहे. प्रथमदर्शनी ही अर्भक आणि मानवी शरीराचे अवशेष हे प्रयोगशाळेतील नमुने असल्याची माहिती मिळत असली तरी हा गर्भपाताचा प्रकार आहे का? या दृष्टीने देखील पोलीस तपास करीत आहेत.
स्थानिक नागरिकांच्या निदर्शनास ही बाब आल्यानंतर त्यांनी पोलिसांना फोन करून या संदर्भातील माहिती दिली. यानंतर तातडीने दौंड पोलीस घटनास्थळी दाखल झाले. पोलिसांनी पाहणी अंती पंचनामा करून डॉक्टरांचे वैद्यकीय पथक या ठिकाणी बोलावले. हे अर्भक आणि अवशेष ताब्यात घेण्यात आले असून हे या ठिकाणी कसे आले? कोणी टाकले? हा गर्भपाताचा प्रकार आहे का? याचा शोध आता घेतला जात आहे. वैद्यकीय तज्ञांच्या अहवालानुसार यानंतर पोलीस पुढील कारवाई केली जाणार आहेत. मिळालेल्या माहितीनुसार, हे अर्भक आणि काही मानवी शरीराचे अवशेष सीलबंद भरणीत भरलेले असून त्यावरती त्या संदर्भातील माहिती देखील आहे . मात्र हे कचऱ्याच्या ढिगाऱ्यामध्ये कसे आले याचा शोध चालू आहे.