NEWS PRAHAR सुचिता भोसले ( पुणे ) : शहरातील प्रसिद्ध सत्त्वपोनिक्स प्रायव्हेट लिमिटेड कंपनीच्या अवैध कचरा टाकण्याच्या प्रकरणावर पडदा टाकण्यासाठी कंपनीच्या एका अधिकाऱ्याने ५०,००० रुपयांची लाच देण्याचा प्रयत्न केल्याचे उघड झाले आहे. हा प्रकार गंभीर असून, संबंधित अधिकाऱ्याविरोधात कठोर कारवाई करण्याची मागणी नागरिकांकडून होत आहे.
वृत्त मागे घेण्यासाठी लाच देण्याचा प्रयत्न…
मागील काही दिवसांपूर्वी सत्त्वपोनिक्स कंपनीच्या अवैध कचरा व्यवस्थापनाचा प्रकार उघडकीस आला होता. या प्रकरणावर स्थानिक नागरिकांनी आवाज उठवला होता आणि काही पुरावे गोळा केले होते. परंतु, कंपनीच्या वरिष्ठ अधिकाऱ्यांपैकी एक असलेल्या सुनील देशमुख (बदललेले नाव) यांनी हे वृत्त मागे घेण्यासाठी ५०,००० रुपयांची लाच देण्याचा प्रयत्न केला.
पुरावे नष्ट करण्याचा डाव..
1. काही जबाबदार नागरिकांनी कंपनीच्या बेकायदेशीर कृत्यांचे पुरावे गोळा केले होते.
2. जेव्हा या प्रकरणाची माहिती कंपनी प्रशासनाला मिळाली, तेव्हा सुनील देशमुख (बदललेले नाव) यांनी हे वृत्त नष्ट करण्यासाठी लाच ऑफर केली.
3. संबंधित व्यक्तीने ही लाच स्वीकारण्यास नकार दिला आणि हा प्रकार पोलीस आणि प्रशासनाच्या निदर्शनास आणून दिला.
कायदेशीर कारवाईची मागणी….
या प्रकरणामुळे सत्त्वपोनिक्स कंपनीच्या गैरप्रकारांची दखल घेणे आवश्यक झाले आहे.राज्य प्रदूषण नियंत्रण मंडळ (MPCB) आणि राष्ट्रीय हरित न्यायाधिकरण (NGT) यांना तातडीने तपास करून कारवाई करावी.लाच प्रकरणी संबंधित अधिकाऱ्याविरोधात गुन्हा दाखल करून योग्य ती कायदेशीर कारवाई करण्यात यावी.औद्योगिक कचऱ्यामुळे परिसरात झालेल्या पर्यावरणीय आणि आरोग्यविषयक नुकसानीची चौकशी करण्यात यावी.
नागरिकांचा प्रशासनाकडे सवाल..?
1. अवैध कचरा टाकणाऱ्या कंपन्यांवर कठोर कारवाई का होत नाही?
2. नद्यांचे आणि सार्वजनिक जमिनींचे होणारे प्रदूषण रोखण्यासाठी प्रशासन कोणती पावले उचलणार आहे?
3. अशा कंपन्यांच्या भ्रष्ट अधिकाऱ्यांना कसे थांबवले जाणार?
जर तातडीने कारवाई झाली नाही, तर हा प्रकार संपूर्ण परिसराच्या आरोग्यास आणि पर्यावरणास गंभीर धोका ठरू शकतो, असे पर्यावरणतज्ज्ञांचे मत आहे. सरकार आणि प्रशासनाने याकडे गांभीर्याने लक्ष देऊन कठोर उपाययोजना करणे आवश्यक आहे.