NEWS PRAHAR : किल्ले राजगड (ता.राजगड)येथे पर्यटनासाठी आलेल्या तरुणाचा डोक्यात दगड पडून मृत्यू झाल्याची झाल्याची घटना रविवार (ता.२६ )प्रजासत्ताक दिनी सायंकाळी सहाच्या सुमारास घडली.अनिल विठ्ठल आवटे (वय.१८)सध्या राहणार धायरी, पुणे मूळ गाव खादगाव, भाबट (ता.सेलू) जिल्हा ,परभणी असे असून गडावरून वेल्हे येथील ग्रामीण रुग्णालयात येण्यास रात्री उशीर झाला. रुग्णालयाचे डॉ.ज्ञानेश्वर हिरास यांनी अनिल यास मृत घोषित केले. दरम्यान रात्री उशिरा बारा वाजल्यानंतर वेल्हे पोलीस ठाण्यात खबर दाखल झाली.
पोलिसांनी दिलेल्या माहितीनुसार धायरी येथील पोलिस भरती अकॅडमी मधील शंभरहून अधिक जणांचा ग्रुप रविवार(ता. २६ ) रोजी ट्रेकिंग साठी किल्ले राजगडावर आला होता .दरम्यान पाली दरवाजाजवळ पर्यटक गड उतरत असताना बुरुजावरील दगड अनिलच्या डोक्यात पडल्याने जबर जखम झाली होती.
प्रत्यक्ष दर्शींनी दिलेल्या माहितीनुसार पाली दरवाज्याच्या वरच्या बाजूस माकडे होती माकडे इकडे तिकडे उड्या मारताना वरून दगड अनिलच्या डोक्याजवळ पडला. दरम्यान सोबत असलेल्या ग्रुप मधील मुलांनी जखमी अनिलला घेऊन तात्काळ गड उतार झाले.