NEWS PRAHAR दि : ७ ऑक्टोबर : ( पुणे ) : शिक्रापुर पोलीस स्टेशन नावालाच असून, अवैध धंद्यान बाबत काम मात्र कारवाई शून्य असल्याचे दिसत आहे. त्यामुळेच तळेगाव ढमढेरे,परिसरात पत्यांच्या क्लबचा पुन्हा एकदा सुळसुळाट झाला असल्याची चर्चा नागरिकांमध्ये चालू आहे. अवैध व्यवसायिकांनी अक्षरशः कहर केला असून, सर्रास पणे अवैध धंदे चालू असल्याने, पत्यांचा क्लब यांची दुकाने जोमात थाटली आहेत. कलेक्टर तेलंग पोलीसांच्या मदतीने शिक्रापुर येथील तळेगाव ढमढेरे परिसरात गीताई गार्डन या ठिकाणी पत्यांचा (क्लब) व्यवसाय खुले आम चालू आहे.यामुळे अनेकांचे संसार उध्वस्त होत आहेत.
शिक्रापुर पोलीस ठाण्याच्या हद्दीत अनेक ठिकाणी अवैध धंदे खुलेआम चालू असल्याने; शिक्रापुर पोलीस कुठे व्यस्त आहेत का अशी चर्चा जोरदार चालू आहे. शिक्रापुर पोलिसांचे काम संशयास्पद असून, बेकायदेशीर धंदेवाल्यावर ना कोणाचा धाक आहे ना दरारा. विशेष म्हणजे पोलीस खात्याला हे अवैध धंदेवाले जुमानतसुद्धा नसल्याचे बोलले जात आहे. तर कोणतेच पोलिस आमचे काही करू शकत नाही, आम्ही पोलीसांना महिन्याला लाखो रू हप्ते देतो; असे म्हणण्यापर्यंत जागा मालकांनी आता मजल मारली आहे. या लोकांनी काही प्रतिष्ठित व्यक्तींना जवळ करून, कलेक्टर तेलंग या पोलीसाच्या मदतीने व्यवसाय थाटला आहे की काय? असा सवाल येथील नागरिक करीत आहे.
हे असे असेल तर पोलीस प्रशासनाने मात्र वेळीच यांना लगाम न घातल्यास, याचे दुष्परिणाम मोठ्या प्रमाणात जनतेला आणि पोलिस प्रशासन यांना सहन करावे लागणार हे मात्र निश्चित. पोलीसांकडून या धंदेवाल्यांवर कारवाई करण्याऐवजी महिन्याला हप्ते वसुली केली जाते; अशी नागरीकामध्ये जोरदार चर्चा चालू आहे. तर याविषयी पोलीस स्टेशनला तक्रार करणेस गेले की, धंदे बंद आहेत आसे सांगण्यात येते.!
मग शिक्रापुर पोलीस काय हप्ते गोळा करण्यासाठी आहेत का? असा सवाल नागरिक करत आहेत. बेकायदा पत्यांचे व्यवसाय या भागात मोठ्या प्रमाणात सुरू आहेत. या भागातील वरिष्ठ पोलिस अधिकारी मात्र मूग गिळून गप्प बसले असून, त्यांचा या भागात कसल्याच प्रकारचा धाक नसल्याने अवैध धंदेवाल्यांनी आपले धंदे बेकायदेशीरपणे चालू ठेवले असल्याचे बोलले जात आहे.
शिक्रापुर पोलीस स्टेशन पासून थोड्याच अंतरावर आसलेल्या तळेगाव ढमढेरे या गावात अवैद्य धंदाचा विळख्यात मटका,दारू व जुगार असे एक ना अनेक धंदे तळेगाव ढमढेरे या परिसरात चालू आहेत. सर्रास हॅाटेलवरती विना परवाना दारू विकली जाते. शिक्रापुर चौकीचे पोलीस हे पाहुन सुद्धा न पाहिले सारखे करत असतात; कुठे रेड व ११२ कंट्रोल कॅाल केला असता हि माहिती ते कलेक्टर तेलंग साहेब हे आधीच क्लब मालकाला कळवतात? शिक्रापुर हद्दीतील किती अवैद्य धंदे वाले यांचावर कारवाई केली PI साहेब तुम्हीच सांगा.! अवैद्य धंदे वाल्यांना आपण तर पाटीशी घालत नाहीत ना?
“सामान्य नागरिक व महिला यांना या अवैध क्लब या धंद्यांचा अफाट त्रास होत आहे. अल्पवयीन मुलांमध्येही पत्या खेळण्याचे प्रमाण वाढले आहे. त्यामुळे कौटुंबिक वाद होत आहेत. शिक्रापुर पोलिसांनी कारवाई करणे आवश्यक आहे. मात्र पोलीस कारवाई करत नसल्याने अवैध धंदेवाले सुस्तावले असल्याचे दिसून येत आहे.
पुणे पोलीस अधीक्षक यावर कोणती कारवाई करणार याकडे नागरिकांचे लक्ष लागले आहे.
– सुचिता भोसले.