न्यूज प्रहार ( पुणे प्रतिनिधी ) : अंमली पदार्थ ही एक मोठी सामाजिक समस्या असल्याने पुणे ग्रामीण जिल्ह्याचे नवनियुक्त पोलीस अधीक्षक, श्री. पंकज देशमुख साहेब यांनी पदभार स्विकारल्यापासून अंमली पदार्थांचे उत्पादन, साठा, विक्री, सेवन करणारे इसमांवर तसेच कायद्याचा भंग करून शेतीचे नावाखाली शेती मालात अफु, गांजा सारख्या अंमली पदार्थ निर्मिती करणाऱ्या वनस्पतींची बेकायदेशीरपणे विनारपरवाना लागवड करून उत्पादन घेणाऱ्यांवर कारवाई करण्याचे आदेश पुणे ग्रामीण पोलीसांना दिले आहेत.
दि. २९/०२/२०२४ रोजी जेजुरी पोलीस स्टेशनचे पथकाला गोपनीय बातमीदारामार्फत बातमी मिळाली की, मौजे मावडी क.प., ता. पुरंदर जि पुणे गावातील इसम नामे किरण कुंडलीक जगताप व रोहीदास चांगदेव जगताप यांनी त्यांचे शेतात विनापरवाना बेकायदेशीरपणे अफुची लागवड करून उत्पादन घेतले आहे. अशी बातमी मिळाली होती.
सदर बातमीचे अनुषंगाने जेजुरी पोलीस स्टेशन व भोर पोलीस स्टेशनकडील अधिकारी व स्टाफ यांनी वरीष्ठ अधिकाऱ्यांचे आदेश- परवानगीने राजपत्रीत अधिकारी व पंचांसह जावून मौजे मावडी क.प. गावातील
जगताप मळ्यातील कवठीचा मळा येथे गेले. कवठीचा मळा येथील दोन वेगवेगळ्या शेतात जावून पाहणी करून कारवाई केली असता, शेतामध्ये उपस्थित इसम किरण कुंडलीक जगताप, वय ४० वर्षे, व रोहीदास चांगदेव जगताप वय ५५ वर्षे, दोघे रा. कोडीत बु ा ता. पुरंदर, जि. पुणे यांना ताब्यात घेण्यात आले. त्यांनी शेतांमध्ये अफुची बेकायदेशीर विनापरवाना लागवड केल्याचे आढळून आले, अफुची लागवड केलेली दिसून येवू नये याकरीता शेतात कांदा व लसून पिकाची लागवड करणेत आलेली होती.
सदर ठिकाणी ३८.२८ किलो ग्रॅम वजनाची अफुची झाडे बोंडांसह किं.रु. ७६,५६०/- ची जप्त करणेत आलेली आहेत. सदर दोन्ही इसमांविरोधात जेजूरी पोलीस स्टेशन येथे गु.र.नं. ८५ / २०२४ एन.डी.पी.एस. अॅक्ट कलम ८ ब, १८ क, प्रमाणे गुन्हा नोंदविणेत आलेला आहे. चालु आठवड्यात पाच दिवसांपुर्वी कोडीत बु ता. पुरंदर जि. पुणे गावात स्थानिक गुन्हे शाखेने विनापरवाना अफुची बेकायदेशीर विनापरवाना लागवड करून उत्पादन घेणारे दोन इसमांवर कारवाई केलेली आहे.
अफुची शेती करणेसाठी परवाना आवश्यक असून नागरीकांनी कोणत्याही प्रकारे बेकायदेशीर विनापरवाना अफुची अगर गांजाची शेती केल्याचे आढळल्यास कायदेशीर कारवाई करणेत येणार असल्याचा इशारा पोलीस अधीक्षक पुणे ग्रामीण यांनी दिला आहे.
सदरची कामगिरी मा. पोलीस अधीक्षक श्री. पंकज देशमुख, साो. पुणे ग्रामीण, मा. अपर पोलीस अधीक्षक श्री. संजय जाधव, बारामती विभाग, मा. उपविभागीय पोलीस अधिकारी श्री श्रीकांत पांडुळे, भोर विभाग, सासवड यांचे मार्गदर्शनाखाली भोर पोलीस स्टेशनचे पो.नि. आण्णासाहेब पवार, जेजूरी पोलीस स्टेशनचे स.पो.नि. दिपक वाकचौरे, पोसई महेश पाटील, पोसई नामदेव तारडे, पोलीस अंमलदार विठ्ठल कदम, शुभम भोसले, तात्यासाहेब खाडे, दशरथ बनसोडे, भानुदास सरक यांनी केली आहे. सदर गुन्हयाचा पुढील तपास जेजूरी पोलीस स्टेशन करत आहे.