मार्केट यार्ड : कृषी उत्पन्न बाजार समिती पुणेच्या पाण्याच्या टाकीचा व्हॉल्व खराब झाल्याने सुमारे ८ ते १० लाख लिटर पिण्याचे पाणी वाया गेले. टाकीत पाणी जास्त असल्याने पाण्याचा प्रेशर जास्त होता. तब्बल दोन ते अडीच तास पाणी वाहत होते. यामुळे मार्केट यार्ड येथील शिवनेरी रस्त्याला नदीचे स्वरूप आले होते.
गुरुवारी १२ च्या सुमारास अचानक टाकीचा व्हॉल्व मधून प्रचंड पाण्याची गळती सुरू झाली. टाकीत असलेले तब्बल सुमारे ८ ते १० लाख लिटर पाणी रस्त्यावर वाहून गेले. यामुळे बाजार घटकांच्या पाणी पुरवठ्यावर काहीसा परिणाम झाला. त्यांनतर संध्याकाळपर्यंत व्हॉल्वची दुरुस्ती करत तळभागातील टाकीतील पाणी वरच्या टाकीत चढवून पाणीपुरवठा करण्यासाठी सुरुवात केली.